Frá því síðast

Jæja, hvað hefur nú drifið á daga Rósarimafjölskyldunnar síðan síðasta blogg var skrásett.....

 

Jú, páskarnir komu með öllu sínu súkkulaði og lítil stúlka fékk fyrsta páskaeggið sitt.  Eins og sjá má á svipnum, fannst henni frekar mikið til koma.

Á páskunum var að sjálfsögðu brugðið sér í gulan páskakjól til að kíkja í páskamat.  Takið eftir glansandi vessum nálægt nefi vinkonunnar, þar má sjá staðalbúnað lítillar leikskólaprinsessu sem hefur fylgt henni í uþb tvo mánuði.  Gaman.

Lítil stúlka hefur æft sig að brosa á ýmsa vegu og helst með öllu andlitinu.  Hér sést þegar vel tókst til.

Móðirin unga (þ.e. ég) fékk burtferðaleyfi til að bregða sér í saumaklúbbsferð "heim" til Barcelona og var það ekki leiðinlegt.  Hér sést útsýnið á svölunum frá gistiíbúðinni.

Það var nauðsynlegt að halda sér rólegum með sangríu af og til, til að yfirskyggja þörfina til að setja í þvottavél, skipta um bleyju eða skúra gólf.  Einhvern veginn tókst þetta samt!  En auðvitað var lítil stúlka manni ofarlega í huga allan tímann og mikið gott að koma heim í knús.

Já svona var semsagt apríl 2007 í hnotskurn.  Enda hér með einni sætri af Emmu Lilju og Kolbrúnu Pálínu.

Athugasemdir

[Heiða Björk Frænka (IP-tala skráð) 3.5.2007 kl. 12:54]

Æi sætar Emmu myndir, algjör snúlla  Ferðin til Barcelona hefur greynilega verið æði, verð að kíkja á þá borg fljótlega.

[Anna Lilja og amma Heiða (IP-tala skráð) 3.5.2007 kl. 15:52]

Elsku litla snúllan okkar. Úff þú ert svo mikið ofurkrútt. Ég og amma Heiða erum hér að skoða myndirnar af þér. Hlökkum til að knúsa þig.